Հրանտ Իգնատի Մաթևոսյան (փետրվարի 12, 1935 — դեկտեմբերի 19, 2002), հայ նշանավոր արձակագիր և կինոսցենարիստ: Ծնվել է Լոռու մարզի Ահնիձոր գյուղում: Կրթություն է ստացել Կիրովականի մանկավարժական ուսումնարանում և Երևանի մանկավարժական ինստիտուտի պատմալեզվաբանական ֆակուլտետում: 1965-1967 թվականներին սովորել է Մոսկվայի բարձրագույն սցենարական դասընթացներում:

Գրական ասպարեզ է մտել 1961 թվականին «Ահնիձոր» ակնարկով, իսկ 1967-ին լույս է տեսել նրա առաջին ժողովածուն՝ «Օգոստոսը»: 1995-2000 թվականներին եղել է Հայաստանի գրողների միության նախագահը: Նրա ստեղծագործությունները թարգմանվել են ավելի քան 40 լեզուներով: