«․․․ Սկսեմ նրանից, ինչից պիտի սկսեի»
Հրանտ Մաթևոսյան մշակութային կենտրոն–թանգարանը նախաձեռնում է պարբերական մշակութային-ճանաչողական արշավներ Երևանից դեպի Ահնիձոր՝ գրողի փոքր հայրենիք։ Արշավների նպատակն է մասնակիցներին ծանոթացնել այն միջավայրին, բնաշխարհին և մշակութային տարածքին, որտեղ ձևավորվել է Հրանտ Մաթևոսյանի աշխարհընկալումը և ծնվել նրա գրական տիեզերքը։
Ահնիձորը Հրանտ Մաթևոսյանի գրական աշխարհի ակունքն է։ Լոռվա այն եզակի վայրերից է, որտեղ մինչ օրս պահպանվել են գրողի ստեղծագործություններում ապրող բնության, հիշողության և մարդկային հարաբերությունների կենդանի շերտերը։ Եվ այս ճանապարհորդությունը հնարավորություն է անցնելու այն արահետներով, տեսնելու այն բնաշխարհը և զգալու այն միջավայրը, որտեղ ձևավորվել է գրողի աշխարհընկալումը։
Մաթևոսյան Կենտրոնի նախաձեռնած «Սկսեմ նրանից, ինչից պիտի սկսեի…» արշավ-ուխտագնացության նպատակը Երևանի և Ահնիձորի միջև մշտական մշակութային կամուրջը ստեղծելն է՝ գրողի հայրենիքը դարձնելով հանդիպման, ճանաչման և մշակութային երկխոսության կենդանի տարածք։
Գրանցվելու կամ հավելյալ տեղեկությունների համար զանգահարեք մեզ կամ գրեք սոցիալական ցանցերում: